كيف تتعامل مع الصمت أثناء التحدث

قبل نبدأ المقال، فتحت 3 مقاعد فقط للتدريب الشخصي معي على التواصل بانجليزية في بيئة العمل
.— لشهري مايو ويونيو
.مقعد تم حجزه، وباقي مقعدين فقط، والتسجيل مستمر حتى 10 مايو أو حتى الامتلاء
،إذا كنت جاد في تطوير مهاراتك المهنية
.تواصل معي مباشرة
.الباقة تبدأ من 4500 ريال

أنت في اجتماع، أو مكالمة مع مدير أجنبي
وتتكلم بانجليزي، تمشي امور تمام…
لكن فجأة، يصير في فراغ
كلمة نسيتها، أو فكرة طارت
“!ويبدأ التوتر: “وش أقول؟ طّولت! بيحسون لغتي ضعيفة
وتدخل دوامة القلق، ويمكن تنهار لغتك كلها في لحظة
خلني أقولك شيء: الصمت ما يعني فشل.
بالعكس, “الصمت” أحياناً أذكى أدوات التواصل, لو عرفت كيف تستخدمه.

أولاً: ليه نخاف من لحظة السكوت؟

“لأنك تربط السكوت بـ”الضعف
لأنك تشوف نفسك تحت الِمجهر.
“Perfect “لأنك حريص على الكمال. تبغى كل شيء يطلع
!ولأنك ببساطة تفكر بالعربي وتحاول تترجم بانجليزي في نفس الوقت — فتتعطل
لكن الخبر الكويس؟
كل هذا قابل للتغيير… بخطوات بسيطة.

التكنيك :1 اسمح للصمت… وخله يخدمك ✅

لو نسيت كلمة، تحاول تغطيها بارتباك أو ضحكة توتر.
خذ نفس، وقل جملة مثل:
“Let me rephrase that”
“I’ll come back to this in a second”
“Give me a moment to find the right word”
هذي العبارات البسيطة تعطيك وقت، وتخليك تبدو واثق.
الصمت المؤقت + عبارة ذكية = احتراف

!التكنيك :2 جملك مو زم تكون مثالية ✅

لا تنتظر تجيب “الجملة الصح %100″، خذ راحتك بالبناء التدريجي.
مثلاً بدال ما تقول:
“The proposal lacks strategic alignment with the department’s
quarterly objectives”
قول ببساطة:
“I think the idea is not matching our goals for this quarter”

بناء المعنى أهم من زخرفة الجملة:

✅ تمرين :3 التكنيك” Pause – Breathe – Build”

كل يوم، تدرب على هالتمرين:
خذ موضوع بسيط.
احكي عنه لمدة دقيقة كاملة، لكن خذ توقفات متعمدة.
خذ نفس بعد كل جملة.
كمل الجملة اللي بعدها بناًء على المعنى، مو على الترجمة.
هذا يخليك تتأقلم مع فكرة “الفراغ”، ويصير عندك مرونة ذهنية، ما تتوتر من الصمت.

مواقف تحصل كثير… والحل بسيط ✅

الموقف:
زميل يسألك سؤال فجأة بانجليزي في اجتماع.
تحس عقلك صار أبيض.
الحل:
رد بعبارات مثل:
“That’s a good point Let me think how I’d approach it”
“Interesting… I’ll try to explain it simply”
مجرد هالردود تخليك تبدأ، وبعدها يجي الكم.
النهاية؟
الخوف من الصمت ما راح يروح بيوم.
لكن ممكن تخليه “أداة” تساعدك، بدل ما تشلك.
تذكر دايم.
الناس ما ينتظرون منك تتكلم بدون توقف… ينتظرون منك تكون واضح، ومرتاح، وواثق.

،ومع كل مرة تتجاوز الصمت بثبات
أنت تبني صوتك، وتكسر الرهبة، وتتكلم بطريقتك — مو بطريقة أحد ثاني.
محمد المنسف
(: صديقك الأسبوعي