اسلوبك أثناء الحديث سبب في جعل كلماتك أقل تأثير

كثير من الموظفين يركزون كل جهدهم على اختيار كلمات إنجليزية صحيحة، لكن يغفلون عن شيء أهم: نغمة الصوت، السرعة، وطريقة الإلقاء

يمكن تقول جملة مثالية لغويًا، لكن لو بصوت منخفض جدًا أو سريع أو بدون وضوح، ما توصل فكرتك، وقد تترك انطباع إنك غير واثق أو متردد

من تجربتي ومع جلساتي مع موظفين كثير، لاحظت إن أكثر اللي يشتكون إن الآخرين ما يفهمونهم… مشكلتهم مو كلماتهم، بل إلقاءهم

وش تقدر تسوي؟
١- تدرب على الإبطاء: لو كنت تتكلم بسرعة، جرّب تقول الجملة وكأنك تشرحها لطفل صغير

٢- ارفع صوتك درجة، مو تصرخ، بس تخلّي صوتك حاضر ومسموع

٣- استخدم وقفات صغيرة بين الجمل بدل ما تقول كل شيء دفعة وحدة

٤- ركز على وضوح الحروف الأخيرة، كثير يبلعها من التوتر

“الكلمة الصحيحة تحتاج صوت واثق، واضح عشان تعيش”

تذكر: ما يكفي إنك تعرف تقول الجملة صح، لازم تقولها بشكل

يسمعها ويفهمها ويحترمها اللي قدامك

ابدأ تمرّن من اليوم

محمد المنسّف