لما تختفي الكلمات من عقلك فجأة ليش يصير كذا؟

كلنا مرّينا بهذا الموقف

تكون جالس في اجتماع، وعندك فكرة واضحة في بالك. تستنى اللحظة المناسبة عشان تقولها

لكن لما يجي دورك، فجأة كأن الكلمات اختفت. تحاول تبدأ، يطلع صوت متردد أو حتى فراغ كامل

. وبمجرد ما ينتهي الاجتماع، ترجع نفس الكلمات لذهنك بكل بساطة

هذا اللي كثير يسمونه “نسيان الكلام” مو صدفة. الدراسات في علم النفس اللغوي توضح إنه حالة مرتبطة بالضغط والذاكرة، مو بالمعرفة نفسها

وش اللي يصير فعلًا؟

العقل وقت التوتر يحوّل تركيزه من “المحتوى” إلى “التقييم”. يعني بدل ما يسهّل مرور الفكرة للسانك، يبدأ يحذرك: انتبه، الكل يراقبك

دراسة في 2022

(Lee & MacIntyre)

لقت إن القلق اللغوي يقلل المشاركة في الاجتماعات بنسبة ٪41

ودراسة ثانية في 2023

(Zhang et al.)

بيّنت إن 57٪ من الموظفين غير الناطقين بالإنجليزية ينسون كلمات يعرفونها أصلًا وقت التحدث، بسبب الخوف من تقييم الآخرين

بكلمات أبسط: أنت ما نسيت الكلمة، أنت فقدت القدرة تسترجعها تحت ضغط اللحظة

انعكاسها في العمل

الأفكار تضيع لأنك ما قلتها

زملاء أقل خبرة يسيطرون على النقاش بس لأنهم تكلموا

المدير يشوفك متردد حتى لو كنت عارف الموضوع أكثر من غيرك

وهنا يبان الخلل: الشركات تخسر عقول كثيرة، مو لأنها ما تعرف، بل لأنها ما قدرت تتكلم في الوقت الصح

وش الحل؟

التمارين البسيطة اللي تعيد وصل السلك بين عقلك ولسانك

جملة مفتاحية جاهزة

لا تنتظر الكلمة المثالية. ابدأ بجملة عامة تكسر الصمت

The point I want to share is…

What I see here is…

استخدم الكلمات السهلة

لا تحاول تركّب جملة معقدة. أبسط كلمة توصل الفكرة أفضل من صمت طويل

تمرين 5 دقائق يوميًا

اختر موضوع عادي من شغلك، وتكلم عنه بالإنجليزية بدون تحضير. الهدف تدريب دماغك على الاسترجاع تحت ضغط، مو الإتقان

اكتب بعد كل موقف

الكلمة اللي نسيتها، دوّنها بعد الاجتماع واكتب جملة صغيرة فيها. المرة الجاية بتصير جاهزة تلقائيًا

الخاتمة

“نسيان الكلام” في الاجتماعات ما يعني إنك ضعيف في اللغة. هو تفاعل طبيعي بين الدماغ والتوتر

الفكرة ما تضيع لأنك ما تعرفها، تضيع لأنك ما قلتها

والجملة الناقصة بصوتك أقوى من الفكرة الكاملة اللي تظل محبوسة في رأسك

محمد المنسّف

مختص في الإنجليزية للأعمال